Portugaleteko zaintza-ekimenen mapa

About This Project

Gaur egungo egoerak agerian utzi du zainketen eta pertsonen bizi-baldintzak hobetzera bideratutako ekimen guztien garrantzia. Bizkaiko Foru Aldundiko Berdintasun Sailak, Portugaleteko Udalarekin eta Adaka boluntariotza-sarearekin lankidetzan, udalerrian zainketei arreta ematen dieten zaintza-ekimenak ikusaraztea, ezagutaraztea eta harremanetan jartzea proposatu du.

Hainbat erakunde publiko zein pribaturi dei egin ondoren, Portugaleteko bizilagunei bideratutako zaintza-ekimenen datuak bildu genituen. Ekimenak osatzen dituzten gaiak, onuradunak eta erakunde sustatzaile mota identifikatu genituen, haien lanaren azalpen labur batekin batera. Gainera, proiektu bakoitzaren GJH nagusia (2030erako Europako Agendaren Garapen Jasangarrirako Helburuak) azpimarratzen dugu: pobrezia desagerraraztea, osasuna eta ongizatea, kalitatezko hezkuntza, genero berdintasuna, desberdintasunak murriztea etab.

Jasotako informazioarekin, Herritar Ekimenen Mintegiarekin elkarlanean Portugaleteko zainketa-ekimenen kartografia diseinatu genuen.

Ekimenak mapan kokatzeak aukera ematen du horiek ezagutzeko eta konektatzeko, udalerriko zainketa-ekosistema ikusarazteko, aukera-eremuak aurkitzeko eta hurbileko aliantzak identifikatzeko. Gure hirietatik eredu erresilienteagoetara eta iraunkorragoetara igarotzeko gure interdependentzia onartu behar dugula ulertuta, mapa hau sinergiak sortzeko eta lurraldean hobekuntza-espazioak detektatzeko tresna izatea espero dugu.